Oruclu olduqda ağızda qalan dəstəmaz suyu

  • 16.02.2025 - Sual nömrəsi: 1059
  • 40
Geri

Sual

Ramazanda oruclu iken destemaz zamani agiza su almasaq olar? Cunki alanda zerre qeder de olsa medeye gedir veya bedene hopur

Cavab

Bismilləh… Allaha həmd, Rəsuluna salatu-salam olsun!

Allah təalə insanlara İslam dinini göndərərkən, onların yaradılış baxımından zəif olduqlarını bildiyi üçün, çətinliyə salacaq hər hansı bir hökm nazil etməmişdir. Allah təalə buyurur: “Allah sizin üçün çətilik istəmir, (əksinə) sizin üçün asanlıq istəyir”. 1

Bu qayda ibadətlər üçün də keçərlidir. Dinimiz əmr olunan ibadətlərin öz təbii çətinliyi xaricində müsəlmanın öz seçimi ilə dini ritualları çətinləşdirməyin əleyhinədir. 

Möminlərin anası Hz. Aişə (r.a.) buyurur ki; “Rəsulullah (s.a.s.) iki seçim arasında qaldıqda günah olmadığı müddətcə aralarından ən asanını seçərdi. Əgər günah olsaydı ondan ən uzaq qalan insan olardı…” 2

Oruclu ikən insan gün boyunca orucu pozan, yemək-içmək və xanımı ilə cinsi münasibətdən uzaq durmalıdır. Ağız yolu ilə iradi olaraq mədəyə gedən hər bir şey oruclu şəxsin bu ibadətini pozacağını dinimizin təlimatlarından öyrənməkdəyik. Lakin dəstəmaz aldıqdan sonra ağızda qalan nəmlik heç bir şəkildə orucu pozmamaqdadır. Belə olmasaydı insanlar dəstəmazdan sonra ağızlarını qurulamalı olacaqdılar ki, bu da onlar üçün ciddi məşəqqətə çevrilə bilərdi. Dinimiz isə yuxarıda qeyd etiyimiz kimi insanları məşəqqətə salmaq istəmir. 

Nə Qurani-Kərimdə, nə də Peyğəmbərimizin (s.a.s.) hədislərində dəstəmazın ağızda qalan azacıq nəmliyini qurulamaqla bağlı bir ifadə yoxdur. On dörd əsrlik İslam Hüququnda da bu barədə bir heç şeyə rast gəlinmir. Əksinə, İslam alimləri dəstəmazdan sonra ağızda qalan nəmliliyin ağız suyuna qarışıb udulmasının orucu pozmayacağı haqqında həmfikir olmuşlar. Demişlər ki; oruclunun oruclu ikən, imtina etməsi və ya qaçınılması mümkün olmayan hər hansı bir şey onun orucunu pozmaz. O cümlədən dəstəmazdan sonra ağız suyuna qarışan, nəzərə alınmayacaq qədər az miqdarda suyun da udulması orucu batil etməz. 3

Sonda bir daha vurğulamaq lazımdır ki, İslam dininin əsas prinsiplərindən olan "taqətin yetdiyi qədərinə mükəlləf olma (dini məsuliyyətə cəlb olunma)" və "asanlaşdırmaq, çətinləşdirməmək" qaydaları, ibadətlərin yerinə yetirilməsində fərdin fiziki və mənəvi yükünün nəzərə alınmasını təmin edir. Bu prinsip və qaydalar işığında, dəstəmazdan sonra ağızda qalan dəstəmaz suyunun (nəmlilik) tüpürcəyə qarışaraq udulmasının orucu pozmayacağı hökmü İslam alimləri tərəfindən yekdilliklə qəbul edilmişdir. 

Beləliklə, dinimiz, möminin ibadət etməsini asanlaşdıraraq, hər hansı bir çətinliyə yol vermədən, onun gündəlik həyatında qarşılaşa biləcəyi praktiki vəziyyətlərinə həssas yanaşır və orucunun keçərli olmasını söyləyir.

Doğrusunu Allah bilir!

 

İstinadlar

Bu cavabı faydalı hesab edirsiniz?

Rəyiniz üçün təşəkkür edirik və xoş gün keçirin!

Meyar, İslam dini işığında gündəlik həyatınızı necə yaşamağın yollarını göstərən və suallarınıza cavab verən bir platformadır.

Keçidlər

14 March 2025

  • Fəcr 05:23
  • Günəş çıxır 06:47
  • Zöhr 12:55
  • Əsr 16:13
  • Məğrib 18:53
  • İşa 20:12
Bakı
Until Maghrib

Hesablanır...

© 2025 Meyar İslam Bütün hüquqlar qorunur.